Даниель Сержанұлы, 28 жаста, туған қаласы — Қарағанды, «НК Kazakh Tourism» АҚ, PR- және маркетинг-менеджері
Динара Бесбаева, 28 жаста, туған қаласы — Семей, геодезист-картограф
Біз жайында
Динара. Биылғы күзде Даниель екеуміздің танысқанымызға он жыл болды. Біз Алматыда, ҚазМУ оқу орнында оқыдық, сол жерде таныстық.
Оның суреті университеттің ең үздік студенттері стендінде ілініп тұрғаны және оның қызыл галстук тағып жүргені есімде.
Даниель. Бастапқыда мен ұялатынмын және біз әлеуметтік желілерде сөйлесетінбіз. Динара маған бір көргеннен ұнап қалды. Университеттен кейін біз әртүрлі қалаларда тұрдық: біресе мен Астанада, ал Динара Алматыда, біресе керісінше. Бірақ біз байланысымызды үзген жоқпыз.
Динара. Біздің қарым-қатынасымыз қашықтықта дамыды, бірақ мен өткен жылдың желтоқсан айында Астанаға көшіп келгеннен кейін, біз бірге болуды қалайтынымызды түсіндік. Ал ақпан айында үйленеміз деген шешім қабылдадық.
Өйткені келешекте бір отбасы болатын адамдармен танысу – өте маңызды сәт
Даниель. Динара менің ата-атаммен менен бұрын танысты. Менің отбасым оны қонаққа шақырды. Олар бір-бірімен дастархан басында танысты.
Динара. Бұл жігітімнің ата-анасымен алғаш рет танысқан кезім еді, сол себепті мен қатты қобалжыдым. Маған Даниельдің анасы да қобалжыған сияқты болып көрінді. Өйткені келешекте бір отбасы болатын адамдармен танысу – өте маңызды сәт. Өзіңнің барлық жақсы қасиеттеріңді танытқың келеді, сонымен қатар адамдарға сенің кім екені де бірден көрініп тұрады. Біздің танысуымыз өте жақсы өтті.
Даниель. Біз отбасыда төрт баламыз. Менің үлкен ағам және екі інім бар. Үлкен ағам үйленген, оның үш баласы бар. Сол себепті менің ата-анамның ата-апа болу тәжірибелері бар.
Динара. Мен үйдің үлкенімін, сол себепті біз осындай шараны алғаш рет өткіздік.
Даниель. Қазіргі кезде көптеген адамдар тойды өткізудің қажеті бар ма, жоқ па деп ойлайды. Динараның отбасы ұзату тойын жасауды шешті, ал біз үлкен тойды өткізуді өз мойнымызға алдық.
Біз үлкен той өткізгенімізге өкінбейміз, себебі біз үшін ата-аналарымыз бен жақындарымызға қуаныш сыйлау маңызды. Және де бұл отбасының жаңа мүшесін баршаға таныстырудың жақсы мүмкіндігі болып табылады. Сонымен қатар бұл ұмытылмас мереке.
Астана жайында
Динара. Маған Алматыдан кету қиын болды, себебі сол жерде менің балалық, жастық шағым өтті, сол жерде отбасым мен достарым қалды. Бірақ жұмыс бабымен Астанаға жиі келіп тұратынмын. Мен қаланың қарқынды түрде дамып жатқанын, ал тұрмыстық жағдайы жақсы жаққа өзгеріп жатқанын көрдім. Мен осында жаңа таныстар мен достарға ие болдым.
Астана — бұл жастардың өздігінен еңбек етіп, өз істерінде жетістікке жете алатын қала.
Мен Астананы жақсы көремін және менің үйім осында деп сезінемін.
Даниель. Мен Қарағандының тумасымын, ал Астанада 2013 жылдан бері тұрамын. Оған дейін мен Алматыда оқып, тұрдым. Бұрын мен өмір бойы Алматыда тұрамын деп ойлайтынмын. Бірақ кейін бәрі өзгеріп, Астанада өзіме ұнайтын жұмыс табылып кетті.
Астана – қаламен бір қарқында дамып жетілуге болатын орта болып табылады. Біз бұл қаланың негізінде тұрып жатқанымыз – үлкен мүмкіндік.
Жақын жылдары біз Астанада ата-анамызбен бірге тұрғымыз келеді
Мен іссапарларға жиі барып тұрамын және үш күннен кейін үйге оралуды қалайтынымды білемін. Мен астаналық желді, ауаны сағынамын.
Динара. Бастапқыда мен Астанаға жұмыс бабымен көшіп келдім. Ал қазір Астана мен үшін, ең біріншіден, менің отбасым және менің үйім. Сол себепті мен өзімді осында көремін.
Даниель. Маған циркқа қарама-қарсы тұрған Мемлекеттік рәміздер алаңы ұнайды. Океанариумның үлкен залында отырып, балықтарды бақылауды ұнатамын. Ол жердегі атмосфера ерекше болып табылады және көздер демалады. EXPO сферасы да ең сүйікті жерлерімнің бірі, себебі көрме кезінде біз сол жерде тұрдық.
Сонымен қатар біз өзіміз үшін Астанада жаңа жерлерді ашуға тырысамыз.
Динара. Жақсы көретін жерлеріміздің бірі – Aura ресторанында жиі боламыз. Ал тойды біз Balqaraqai демалыс аймағында өткіздік, сол себепті біз үшін бұл айрықша орын.
Даниель. Жақын жылдары біз Астанада ата-анамызбен бірге тұрғымыз келеді. Біз олардың өмірлік тәжірибелері мен құндылықтарын өз бойымызға сіңіруді қалаймыз.
Оқуды жалғастырып, шетелге барып, жаңадан алынған біліммен қайта оралуды қалаймыз.
Отбасы жайында
Даниель. Біз жас отбасымыз.
Динара. Отбасы – бұл өмірдің барлық саласына енетін абсолютті бақыттың күйі. Ата-анамыздың алдында, оған қоса жалпы некеміз үшін, қарым-қатынасымыз үшін жауапкершілік пайда болды.
Даниель. Қазір жас отбасыларға 10-20 жыл бұрынғы уақытқа қарағанда әлдеқайда жеңіл. Біздің осындай керемет қалада жақындарымыздың қасында өмір сүріп жатқанымыз жақсы.
Динара. Біз күн сайын барлық отбасы мүшелерінің жұмыстан келгендерін күтеміз, тек содан кейін ғана кешкі ас ішуге отырамыз. Маған бұл дәстүр ұнайды.
Даниель. Жақында біз жұмыс пен демалыс күндерімізді біріктіріп Алматыға барып келдік. Содан кейін біз айына бір рет болсын тауларға немесе қала сыртына шығып отырамыз деп шештік.
Біз күн сайын барлық отбасы мүшелерінің жұмыстан келгендерін күтеміз, тек содан кейін ғана кешкі ас ішуге отырамыз
Динара. Мен жас отбасыларға өмірлік қатынастарға әлемдік көзқараспен қарауға кеңес берер едім. Егер өмірдің қаншалықты өткінші екенін түсінсек, қарым-қатынастар – бұл сый. Қазіргі кезде сен жақсы көретін адамыңмен бірге болғаның сәттілік. Екінің бірі бұндай жағдаймен мақтана алмайды. Сонда ұрыс-керістер мен реніштер ұсақ-түйек болып қабылданады.
Даниель. Мен барлық нәрселерді адал түрде жасауға кеңес беремін. Ештеңені ойдан шығарып, қиындатудың қажеті жоқ.
Бүгінгі күндегі рухтың күйі
Даниель. Менің өмірге деген қуатым көп. Өмірімнің жаңа жылдың қарсаңындағы кезеңін алғаш рет отағасы ретінде өткізіп жатырмын. Менің үміттерім көп.
Динара. Мен шабыттанған күйдемін, күйеуім мен қарым-қатынасымыздың арқасында әрдайым ұлғайып тұратын осы жақсы жігермен бөліскім келеді.
