Нью-Йоркте тұратын отандастарымыз ай сайынғы жұмсалатын шығындары туралы.
Арай Цунасима, Нью-Йорк, аудармашы, @sunrise_ny
Тұрғын үй бағасы
Екі жыл бұрын біз отбасымызбен Токиодан Нью-Йоркке көшіп келдік.
Бізге баспана іздеуде көп уақыт кетті. Біз бірінші балаларға жақсы мектеп, содан кейін ғана ауданға байланысты баспана іздедік. Қазір біз қала орталығынан 40 минуттық жерде тұрамыз. Біз қала маңындағы үш жатын бөлмесі, қонақ бөлмесі, асхана және ас үй, сонымен қатар бақшасы да бар шағын үйді жалдап тұрып жатырмыз. Ай сайын 5000 доллар төлейміз. Біздің ауданда мұндай үйді сатып алу 2 миллион доллардың үстінде.
Электр қуатының төлемі шамамен 100 долларды құрайды. Бізде газбен жылыту бар, сондықтан жазда шамамен 80 доллар, ал қыста 250-300 доллар төлейміз. Қыста су шамамен 60 доллар, ал жазда шамамен 100 доллар тұрады, өйткені көгалдарды суару көп суды қажет етеді.
Көлік бағасы
Менің жеке көлігім бар, күйеуім екеуміздің сақтандыру сомасы жылына 1800 долларды құрайды. Айына бензинге шамамен 150 доллар жұмсаймыз.
Ұялы байланыс
Менде белгіленген тариф бар, оның құны айына $33.
Азық-түлік
Біз азық-түлікке айына 1000 доллар жұмсаймыз, үйде тамақ жасауға тырысамыз. Мереке күндері мейрамханаларға барып, фастфудтан бас тартуға тырысамыз.
Салауатты өмір салты
Жолдасымның жұмысы бізге медициналық сақтандыруды қамтамасыз етеді.
Екі балаға арналған айкидо секциясындағы сабақтар айына $200, фитнес клубқа жазылу айына $70 тұрады.
Қосымша шығындар
Балалар фортепиано сабағына барады, айына шамамен 500 доллар тұрады.
Киім-кешек, тұрмыстық заттар мен техниканы арнайы жеңілдік уақытында сатып алған дұрыс.
Талғат Әбдірахманов, Нью-Йорк қаласы, IT компаниясының маркетинг менеджері, @atb .nyc
Тұрғын үй бағасы
Нью-Йоркте жатын бөлмесі мен қонақ бөлмесі бар пәтерді жалға алу айына 1500-1700 доллар тұрады. Ал Бруклин аймағындағы бір бөлмелі пәтерді сатып алу 550 000 доллардан басталады.
Коммуналдық қызметтердің бағасы жеке адамға қарай өзгереді. Орташа алғанда, электр қуаты мен газдың төлемі 35-50 долларды құрайды, бірақ күн сайын тамақ дайындайтын болсаңыз, газ төлемі сәл көп болуы мүмкін. Интернет айына 50-75 доллар тұрады.
Көлік бағасы
Шексіз метро билетінің құны 7 күнге 33 доллар және 30 күнге 127 доллар. Такси қызметтері қашықтыққа және ауа-райына байланысты, орташа есеппен 7 доллардан 150 долларға дейін немесе одан да көп сұрайды.
Көлік жанармайын толтыру көлеміне байланысты 42 доллардан 100 долларға дейін өзгереді. Сақтандыру қымбат және көліктің шыққан жылы мен маркасына байланысты. Ең азы 387 доллар, ал орташа шамамен 562 доллар.
Ұялы байланыс
Ай сайынғы тариф 25-75 долларды құрайды және интернет жылдамдығына, қоңыраулар мен SMS тарифтеріне байланысты.
Азық-түлік
Бір айда сіз азық-түлікке 150 доллардан 800 долларға дейін жұмсай аласыз: сүт 5 доллар, нан 1,20 доллардан 5,50 долларға дейін, одан да қымбаттары бар. Жұмыртқа қорапшасы 2-6 доллар, 12 дана шай пакеті 3 доллардан 7 долларға дейін, тауық еті 0,454 кг шамамен 5-8 доллар.
Бір адамға арналған мейрамханадағы түскі немесе кешкі ас 25 доллардан 150 долларға дейін өзгереді.
Салауатты өмір салты
Спортзалдың ай сайынғы абонемент жаттығу залының сапасына, бассейннің, теннис корттарының, шағын футбол алаңының және басқа да артықшылықтардың болуына байланысты 15 доллардан 150 долларға дейін өзгерсе, бассейнге жазылу 2 доллардан 30 долларға дейін, ал йога шамамен 200 доллар. Басқа бөлімдердегі жазылымдардың бағасы әртүрлі, бір жерде 50 доллардан басталады.
Қосымша шығындар
Кино билетінің құны $17, бірақ фильм 3D немесе Imax болса $23.
Түнгі клубқа кіру ақысы 20-30 долларды құрайды. Концерттік билет 55 доллардан басталады.
Статистикаға сәйкес, Нью-Йорктегі орташа жалақы айына 4500-5500 долларды құрайды, бұл жылына шамамен 55,000-65,000 долларды құрайды.
Егер сіз үйде тамақ пісіріп, мейрамханаларға, кафелерге және клубтарға сирек барсаңыз, көп нәрсені үнемдеуге болады.
Ұялы телефондарға ақша үнемдеуге болады.
Мен ай сайынғы шығындарыңыздың алдын ала жоспарын құрып, сол бойынша әрекет етуге кеңес берер едім.
Нұргүл Мұратбекова, Нью-Йорк, администратор, @slimi.mi
Тұрғын үй бағасы
Мен Чикагоға екі жыл бұрын көшіп келдім. Мен қазір Бруклинде жұмыс істеймін. Манхэттен ең қымбат жер. Бір бөлменің бағасы орташа есеппен $1200 болса, ал кухня-студия шамамен $1800 тұрады. Бруклин, Куинс және Нью-Джерси сияқты аудандарда бөлмені жалға алу 700-800 доллар, ал кухня-студия 1000-1200 доллар тұрады.
Көлік бағасы
Метро мен автобус билеттері 2,75 доллар тұрады. Автобустар мен метрода пайдалануға болатын шексіз айлық карта бар, оның құны $127.
Uber және Lyft такси қызметтері бір мильге шамамен 8 доллар тұрады.
Көлікті сақтандыру орташа есеппен 300 долларды құрайды. Ал бензиннің бір галлоны 3,5 доллар тұрады.
Ұялы байланыс
Мен айына 50 доллар төлеймін.
Азық-түлік
Бір адамға негізгі тағамдарға айына 400 доллар жұмсай аласыз.
Мейрамханада кешкі ас 70-80 доллар тұрады.
Салауатты өмір салты
Медициналық шығындар сақтандыруға байланысты. Егер сақтандыру дәрігердің қызметтерін қамтымаса, онда шамамен 200 долларды құрауы мүмкін. Ал егер тіс дәрігерәне барсаңыз, кеңес беру тегін болуы мүмкін, бірақ жалпы шот емдеуге байланысты, мысалы, бір пломба шамамен $120 тұрады.
Залға бір айға жазылуды 30 долларға сатып алуға болады, бұл бағаға бассейн де кіреді.
Қосымша шығындар
Кино билеті 12 доллар, ал мұражай билеті 25-35 доллар тұрады.
Концерттер мен музыкалық фестивальдерге билеттер шамамен 150-300 доллар тұрады.
Киім-кешек бағасы түрлі: футболка 18 долларға, джинсы 35 долларға, аяқ киім 80 долларға ала аласыз. Нью-Йорктегі ең төменгі табыс сағатына 15 доллар, орташа есеппен 25-30 доллар.
Telegram және Facebook желісіндегі отандастар топтарына қосылыңыз.
