Алматылық бейнеклиптердің режиссерлерімен кездесіп, олардың не шабыттандыратынын, қандай музыканы тыңдайтынын, кімнің шығармасын қадағалайтынын, не сатып алғанды қалайтынын білдік.
Рамзат Махаметов, 22 жаста, қаласы — Алматы, режиссер, @qarajusai
Өзім туралы
19 жасымда режиссер боламын, медиа саласында жұмыс істеймін деп шештім. Сөйтіп, университеттегі оқуымды тастап, продакшндағы еңбек жолымды бастап кеттім. Әртүрлі департаменттен бастадым, костюмер де, нумератор да болдым. Ал қазір режиссермін.
Достарым мен таныстарымның бәрі бір саладан. Көбінесе күнделікті өмір жұмыспен өтеді, блогер, продюсер, операторлармен идеялар ойластырумен өтеді. Ал демалыс күндері демаламын. Маған сериал, фильм, аниме көрген ұнайды. Арасында достарыммен компьютерлік ойындар ойнаймын. Сондай-ақ бокс пен спортқа да уақыт табамын. Ал кешкі уақытта музыка тыңдап, Алматының көшелерін жаяу аралап серуендеймін.
Тыңдаймын, оқимын және көремін
Музыка — шабыт сыйлайтын нәрселердің бірі. Менің плейлистімді екіге бөліп қарастыруға болады. Біріншісі — мотивация беретін батыл әуендер болса, екіншісі лирикаға, романтикаға толы әндер. Мен негізінен Soul және R&B тыңдаймын. Батыс әншілерінен маған Brent Faiyaz, Giveon, Jorja Smith, Joji ұнайды, ал отандық әншілерден M’Dee, Andro және Скриптонит.
Кино көруден ләззат аламын. Жанрына, тіліне, жылына қарамаймын, түрлі фильм көремін. Мен ақпаратты циклды қабылдаймын. Бір жыл бұрын 90-жылдарға дейін түсірілген фильмдерді көру челленджін бастадым. Сөйтіп түрлі жанрдағы фильмдерді іріктеп алдым да, оларды көріп бітірмейінше, заманауи фильмдерді қарамаймын деп шештім. Ал тізімдегі фильм өте көп: мен Тарантино, Гай Ричи, Иньяритудің барлық фильмін көріп шықтым. Соның арқасында тәжірибем артып, тәртіп орнаттым. Кинода ұсақ-түйек нәрсе өте көп, олардан жаңа идея тауып, кейіпкерлерінен шабыт алуға болады.
Мен анименің үлкен жанкүйерімін, сондықтан сүйікті авторларымның бірі — Макото Синкайды зерттеп жатырмын. Оның мақалалары мен сұхбаттарын оқи отырып, оның Харуки Мураками туралы жиі айтатынын байқадым. Өткен жылы осы автормен де таныстым. Мен оның шешендігіне, әңгімелеу шеберлгіне таң-тамаша болдым.
Шабыт сыйлайтын нәрселер
Мені музыка мен кино шабыттандырады. Адамның таланты мен қабілеті таңғалдырады. Басқалардан қалып кетпеуге, әрі қарай да шығармашылықпен айналысып, жаңа дүниелер жасауға шабыттанамын.
Шабыт жан дүниеңнің сыртқы дүниемен байланысынан туындайды. Мұхит жағасында жатқанда емес, жай ғана асүйдегі шәйнекке қарап қалған кезде де шабыт келуі мүмкін.
Бос уақытымды қалай өткіземін
Мен контрастқа толы ортада демаламын, өйткені үнемі жұмыс туралы ойлап жүремін. Достарыммен Dota ойнаймын, ағаларыммен боксқа барамын немесе қызыммен уақыт өткіземін.
«Пацацина» грузин мейрамханасында кешкі ас ішуді ұнатамын. Бұл — кішкентай, бірақ тамағы дәмді әрі жайлы жер.
Достарыммен «Қазақстан» қонақүйінің артындағы саябақта жиі серуендеймін. Ал романтикалық кездесулер үшін Aroma, Grand Zina және «Афиша» мейрамханаларын таңдаймын.
Мен көптеген таныстарымды кештерде, концерттерде және басқа да шараларда көремін. Көбінесе таныс блогерлерді, әртістерді және бейне видеопродакшенда істейтіндерді жолықтырып қалып жатамын. Іс-шараларды таңдап жатпаймын, барлығы өздігінен болады: кейде ұйымдастырушылар шақырады, ал кейде жай достарыммен бірге барып қайтамын.
Қайдан не сатып алуға болатыны жайында
Мен шопоголик емеспін, бірақ ыңғайлы киінгенді ұнатамын. Маған Qazaq Republic, Basqa брендтері ұнайды. Арасында Zara, Calvin Klein, Guess, Nike-тен киінемін. Соңғы кездері GAP, Yeezy, Palm Angels, Balenciaga-дан, америкалық онлайн-дүкендерден немесе Farfetch сайтынан тапсырыс беремін.
Зия, 22 жаста, қаласы — Алматы, режиссер, @ziyazeid
Өзім туралы
Мен музыка нарығында жұмыс істеймін, бейнебаян, лайв және жарнама түсіремін.
Соңғы үш жылда скутермен жүремін. Бұл өзімді еркін сезінуіме көмектеседі. Жаяу жүріп те шаршамайсың, кептелісте де тұрмайсың.
Менің ортам жұмысыма қатысты адамдар, дегенмен жаңа достарым да пайда болды. Ең жақын достарымның бірі — õzen командасы. Бәріміз бірге көп уақыт өткіземіз. Тек команда мүшелерімен ғана емес, сонымен бірге ортақ достарымыз: стилистер, продюсерлермен бірге.
Біз Dequine-мен жақын доспыз. Индустриядағы әріптестеріммен үнемі кездесіп тұрамын.
Алайда өмірімдегі ең басты адам — әйелім Салатик. Біз үнемі біргеміз, бірге жобаларды жүзеге асырамыз, бір-бірімізге көмектесеміз. Ол менің ең жақын досым және қолдаушым.
Тыңдаймын, оқимын және көремін
Музыкада мен хард-роктың үлкен жанкүйерімін: Rainbow, Deep Purple, Led Zeppelin және басқа да орындаушылар. Көбісі бұл жанрды «хард» сөзі үшін хэви-металмен шатастырып жатады. Бірақ бұл жерде «хард» дыбыс туралы емес, мағыналар туралы. Керемет поэзия, тамаша музыка.
Кинодағы көзқарасым әлі толық жетілмеген, сондықтан консервативті дер едім. Бірақ сүйікті картиналарымның тізімінде Милош Форманның «Амадей» фильмі, «Троя» және «Крестный Отец» трилогиясының алғашқы екі бөлімі бар.
Әдебиет — алғашқы махаббатым. Онсыз өзімді елестету қиын. Алайда ересек өмірге қадам басқалы кітап оқуға уақыт табылмай жатады. Мен орыс классикалық әдебиетімен сусындап өстім. Ал қазір философия мен тарихтан білім алып жатырмын және бір жылдан бері Гумилевтің «Этногенез и биосфера Земли», Ницшенің «Рождение трагедии из духа музыки, или Эллинство и Пессимизм» шығармасын оқып жатырмын. Ницше. Сонымен қатар жұмыс салама байланысты немесе жай өзіме ұнайтындарынан оқимын. Жақында Роднянскийдің «Выходит продюсер шығады» және Сэр Алекс Фергюсонның өмірбаяндық кітабын оқыдым. Керемет кітаптар.
Мен Орталық Азияның авторларын қарап отырамын. Орталық Азия — басты назарымызда. Бішкек, Ташкент, Душанбе және басқа да қалаларда талантты достарым тұрады. Олардың көпшілігімен жұмыс істеп те үлгердім.
Шабыт сыйлайтын нәрселер
Адамдар және образдар. Жақсы диалог, фильм немесе жақсы подкаст шабыт сыйлауы мүмкін. Өз ойларын анық айтып, мақсатқа ұмтылатын адамдар мотиавация береді.
Шабытты кез келген жерден табуға болады. Қайда барамын деп ойламаңыз, айналаңызды бақылап, ой түйсеңіз де жеткілікті. Мен көрме немесе саябақтарға шабыт іздеп бармаймын. Қаланың өзі де, айналамыздағы табиғат та шабыт беретін үлкен алаң.
Бос уақытымды қалай өткіземін
Үйде. Осы жылдар ішінде жұмыс пен демалысты тез ауыстырып, кеңседе уақыт өткізуді әдетке айналдырдық. Ал егер үйден де шаршасам, әйелім жақсы демалыс бағдарламасын ұйымдастыра қояды.
Мен Бұқар жырау бульварын жақсы көремін. Сондай-ақ «Forum» сауда, ойын-сауық кешені ұнайды, ол жақта жұмыс бабымен кездесулер өткіземін.
Мен іс-шараларды көп ұната бермеймін. Біз қатысатын ивенттерді әріптестеріміз ұйымдастырады. Сондықтан шараларға оларды қолдап, көптен көрмеген таныстарымызбен жолығу үшін барамыз.
Қайдан не сатып алуға болатыны жайында
Мен қарапайым киінемін. Көше және спорттық киімдерді жақсы көремін. Көбінесе лонгсливті футбол формасымен киемін.
Жергілікті брендтердің киімдері де керемет, сондықтан көбінесе солардан аламын. Мысалы, тек @basqawear компаниясының худилерін киемін.
Бірнеше жыл бойы тек барбер Аңсарға барамын — @ansar.yr. Жауапты әрі креативті жігіт.
