Дастан Иемберген Amazon-да жұмыс істеу үшін, Германияға қоныс аударған отандасымыз. Ол Еуропадағы өмір мен ерекшеліктер туралы бізбен бөлісуді жөн көрді.
Дастан Иемберген, Берлин қаласы, Software development engineer, @iyembergen.d
Қоныс аудару туралы
Мен Назарбаев Университетін «Информатика» мамандығы бойынша бітірдім. Берлиндегі Amazon Web Services компаниясында бағдарламалық жасақтама инженері болып жұмыс істеймін.
IT саласындағы барлық жігіттер сияқты мен де FAANG-ке түсуді армандадым: Facebook, Apple, Amazon, Netflix, Google немесе шетелдегі басқа да жетекші компаниялар. Мен үлкен компанияда тәжірибе жинап, қаржылық тәуелсіз болғым келді. Сондықтан мен критерийлеріме сәйкес келетін барлық ашық бос орындар іздедім. Мен Берлиндегі Amazon кеңсесіне қабылдандым.
Қай компанияда жұмыс істейтінім маңызды, бірақ қай жерде істейтінім маңызды емес. Егер маған Қазақстаннан қашықтан жұмыс істеуге рұқсат етілсе, қайтып келер едім, бірақ Германия заңдары бұған жол бермейді. Сондықтан 2020 жылдың қыркүйек айының соңында мен Берлинге көштім.
Осыған қарамастан менің үйім Қазақстанда. Мен Германияда уақытша жұмыс істеп жатырмын және бірнеше жылдан кейін елге оралуды жоспарлап отырмын.
Бейімделу және уақытша қиындықтар туралы
Әсіресе қазақстандықтар үшін басты қиындық — тіл. Қазақстанда әдетте ағылшын тілін үйретеді. Мұндағылардың барлығы неміс тілінде сөйлейді. Құжаттар неміс тілінде де ресімделеді. Сондықтан аудармашы қызметіне жиі жүгіну қажет.
Мен де баспана табуда қиналдым. Берлинде пәтер табу қиын, өйткені иммигранттар көп және сұраныс жоғары. Адамдар баспана іздейтін сайт толығымен неміс тілінде, ал пәтер иелері негізінен ағылшын тілін білмейді. Олармен тіл табысу қиын болды. Сондықтан мен электронды пошта арқылы диалог жүргізуге тырыстым.
Сервис қызметкерлері тұруға ықтиярхатқа жүгінген кезде базада менің туған жылымды қате көрсеткен. Осыған байланысты алғашқы үш айда ең жоғары салық төледім. Бұл қатені түзету үшін мәселенің мәнін ұзақ түсіндіруге тура келді. Бірақ кейін мен ақшамды қайтардым.
Басқа қиындықтар болған жоқ. Қоныс аудару кезінде арнайы қызмет көрсететін компанияларға жүгінген жақсы, себебі қаржылық қолдау, виза алуға, тіркеуге, тұруға рұқсат алуға көмектеседі.
Қоныс аудару кезінде арнайы қызмет көрсететін компанияларға жүгінген жақсы, себебі қаржылық қолдау, виза алуға, тіркеуге, тұруға рұқсат алуға көмектеседі
Немістердің жексенбіде демалатынына таң қалдым, ал көптеген мекемелер мен супермаркеттер бұл күні жұмыс істемейді. Тағы бір таң қалдырғаны — велосипедшілер саны болды. Германия автомобиль өндірісі бойынша көшбасшы ел болып көрінетін сияқты, бірақ халықтың көпшілігі балама көлік түрін қалайды. Адамдар жұмысқа велосипедпен барады. Бұл халықтың хабардарлық деңгейінің көрсеткіші. Жергілікті тұрғындар қымбат көліктерді қумайды, олар шағын практикалық көліктерді айдайды.
Егер сіз Германияға көшетін болсаңыз, мен алдын ала уақытша баспана табуды ұсынамын, өйткені тұрақты баспана табу ұзаққа созылуы мүмкін. Ұялмай, осы елде бұрыннан тұрып жатқан адамдардан көмек сұраңыз. Маған Германияда бірнеше жылдан бері тұратын достарым көмектесті. Сондай-ақ тіл үйренуге тырысыңыз, бұл сіздің өміріңізді жеңілдетеді.
Даму және мансап туралы
Шетелге сапарым да, мансабым да енді ғана басталды. Оған дейін қазақстандық компанияларда және Яндексте тағылымдамадан өттім. Оқуымен қатар Нұр-Сұлтан қаласындағы FizMat мектебінде бағдарламалау мұғалімі қызметін біріктірдім.
Кез келген салада сізге Soft Skills: көпшілдік, өз ойын жеткізе білу, топтық жұмыс, көшбасшылық қасиеттер қажет. Мұны жұмыс беруші сұхбат кезінде бірден байқайды. Сондай-ақ шыдамдылық танытып, берілмеу керек. Мысалы, маған әртүрлі компаниялардан 100-ден астам бас тарту және бір ғана жұмыс ұсынысы түсті.
Мен әзірлеушілерге leetcode.com сайтында жұмбақтарды шешуге кеңес берер едім. Сұхбат барысында осындай тапсырмалар келеді. Сондай-ақ оқу кезінде көп тәжірибеден өтуге кеңес беремін, өйткені университет тек теория үйретсе, ал жұмыс қосымша тәжірибені қажет етеді.
Мен қазір Amazon Web Services компаниясында бағдарламалық жасақтаманы әзірлеуші болып жұмыс істеймін. Менің командам әзірлеушілер өздерінің веб-қызметтерін іске қосып, басқара алатын, есептеу қуатын, жадты және әртүрлі бұлттық қызметтерді пайдалана алатын платформаны қолдайды. Мысалы, біздің өнімдерді Netflix пайдаланады.
Amazon-да әркім өз ойын айта алады, өз көзқарасын қорғай алады
Компанияда «бастық пен бағынушы» деген қарым-қатынас жоқ. Amazon-да әркім өз ойын айта алады, өз көзқарасын қорғай алады. Ешкім бұйрық бермейді. Қызметкерлер өз істеріне жауапты.
Біздің компанияның ең маңызды принципі — тұтынушыға бағытталған. Команданың барлық әрекеттері тұтынушылар тәжірибесін жақсартуға бағытталған.
Қоныс аударудың әсері
Мен тәжірибелі әрі дербес болдым. Мен өзіме ғана сенуді үйрендім.
Табысым арта бастады және сәйкесінше өз қалауларыма жұмсай бастадым. Жақсы өткізген уақыт өте құнды екенін түсіндім.
Мен үлкен тәжірибесі бар басқа әзірлеушілермен сөйараласа бастадым, олардан көп нәрсені үйреніп үлгердім.
