Бұл айдарда біздің болашағымызды қалыптастыратын Орталық Азиялық заманауи адамдар туралы айтамыз. Біздің кейіпкеріміз — Ілияс Исатаев, Invictus Group-тың CEO-сы, Hero's Journey стартаптың негізін қалаушы және CEO.
Ілияс Исатаев Алматыда дүниеге келді. 2005 жылы Республикалық физика-математика мектебін бітірді. Сол кездің өзінде өз бизнесін ойлаған.
2010 жылы кәсіпкер Алматыға оралып, біраз уақыт «Большая четверка» компаниясының PwC консалтинг бөлімінде жұмыс істеді. Ал екі жылдан кейін ағасы Мирас Ибраимовпен бірге «А2» үйінің жанында дүкендер желісін ашты. Кәсіпкерлер бұл бизнесті 2021 жылы толығымен сатты. Бірақ Ілияс Исатаев операциялық қызметтен 2015 жылы шықты.
Сол кезде, 2015 жылы тағы бір бизнестің — Invictus фитнес-клубтар желісінің тарихы басталды. Бұл салада бизнесменнің тәжірибесі болған: екі жыл бұрын Crossfit Astana жобасын ашуға көмектесті. Жұбайы Айгерим Исатаевамен және серіктесі Шыңғыс Танкемен бірге кәсіпкер 2016 жылы 560 000 доллар инвестициялап, алғашқы Invictus Fitness клубын ашты.
2023 жылы Invictus Қазақстандағы ең үлкен фитнес-клубтар желісіне айналды. Еліміздің 9 қаласында 50 000-нан астам клиенті бар 30 клуб жұмыс істейді.
Клубтарды дамыту бойынша жұмыс істеу барысында кәсіпкер барлық клиенттер тұрақты түрде жаттығып отырмайды деген мәселеге тап болды. Оның пікірінше, дәстүрлі залдардың форматы ескірген және қалыптасқан бизнес-үлгілерді цифрландыру қажет. Осылайша жаңа жоба — Hero's Journey стартабы пайда болды.
Hero's Journey — бұл геймификацияланған фитнес студиясы. Осының арқасында клиенттер фитнес индустриясындағы орташа деңгейден гөрі, абонемент бойы залда фитнеспен айналысу ықтималдығы үш есе жиілей түседі. Қазіргі таңда Астанада бір зал жұмыс істейді. Жақында Алматыда екінші ғимаратты ашу жоспарланып отыр, осы мақсатта стартап 900 000 $ инвестиция тартты.
Жақын арада кәсіпкер мен стартапшы — Hero's Journey-ді АҚШ нарығында франчайзинг бойынша дамытуды жоспарлап отыр.
Дәйексөздер
«Invictus латынша «бағынбаған» деп аударылады. Біздің командаға 19 ғасырдың екінші жартысындағы викториандық стоицизм философиясы жақын. Оны жылдар бойы зерттеу миссияларында және ерік-жігері бар ағылшын саяхатшылары ұстанды».
«Корпоративтік мәдениетте сенің қабырғаға не жазуың маңызды емес, сенің компаниядағы адамдардың не істейтіні маңызды».
«Табысқа жету үшін барлығымыз North Star мақсатын білуіміз керек».
«Жұмыс қызықты болуы керек, бірақ егер сіз табыс таппасаңыз, онда процеспен айналыса алмайсыз. Ақша — табыстың өлшемі».
«Өз бизнесіңізді бастау үшін тәжірибелі, әлемдегі үздік болуыңыз керек».
«Алдымен жұмыс істеу қиын жерлерде жұмыс істеу керек. Бұл мінезді шыңдауға мүмкіндік береді, содан кейін барлық жерде табысқа жетуге болады».
Дереккөздер: forbes.kz, digitalbusiness.kz, @shayekinruslan, @iliyas007