Өткен айдағы ең жарқын оқиғалар туралы бүгінгі материалымызда.
Kaspi E-Magnum-ды сатып алды
Kaspi Magnum E-commerce Kazakhstan жобасындағы негізгі үлесті — 90%-ын сатып алды. Ал 10% Magnum-ның өзінде қалды.
Астана әлемдегі ең үздік интеллектуалды және «ақылды» қалалардың қатарына енді
Астана Smart21 community of 2023 бойынша ең интеллектуалды 21 қаланың қатарына енді.
Алан Құрманғалиев WTT Youth Contender турнирінде алтын медаль ұтты
16 жастағы қарағандылық Алан Құрманғалиев Португалияның Вила Реал қаласында өткен WTT Youth Contender турнирінің жеңімпазы атанды.
Шавкат Рахмонов UFC турнирінде мерзімінен бұрын кезекті жеңіске жетті
АҚШ-тың Лас-Вегас қаласында өткен UFC 285 турнирінде жартылай орта салмақ дәрежесінің өкілдері — қазақстандық Шавкат Рахмонов пен америкалық Джефф Нил кездесті.
Үшінші раундта Шавкат 17-ші жеңісіне қол жеткізді.
Imanbek Нью-Йорктегі Таймс-скверде
Нью-Йорктегі Таймс-скверде қазақстандық диджей Иманбек Зейкенов бейнеленген экран пайда болды. Экранда Иманбек пен америкалық әнші Тревор Дэниелдің In The Morning атты жаңа трегі жарнамаланды.
Қазақстандық Balenciaga шоуында дебют жасады
Рахат Көшкінбаев подиумға total-black образда және биік өкшелі туфлимен шықты. Рахат —Balenciaga шоуына қатысқан алғашқы қазақстандық.
Қазақстандық мектеп оқушылары Microsoft-тан 550 мың доллар грант ұтып алды
Астана физика-математика мектебінің оқушылары — Арсен Қалышбек пен Владимир Борзенков клиентке мәтіндік хабарламалар негізінде толыққанды сервисті әзірлеуге қабілетті сайт генераторы мен редакторын жасап шығарды.
Қазақстандық Ариана Гогулина ITF Juniors World Tennis Tour-дың абсолютті чемпионы атанды
14 жасар қазақстандық Ариана Гогулина ITF Juniors World Tennis Tour турнирінің жекелей сынында ғана емес, жұптық сайысында да чемпион атанды. Елордалық теннис орталығының тәрбиеленушісі Ариана Гогулина нағыз фурор жасады.
Әмина Малғаждар беделді Nickelodeon Kids Choice Awards марапатын алды
Биыл марапат тарихында алғаш рет «Сүйікті қазақстандық инфлюенсер» номинациясы бойынша дауыс беру өтті. Жүлде Әмина Малғаждарға бұйырды. Ол өз аудиториясына көңіл көтеретін контент жасайды.
Елена Рыбакина Индиан-Уэллсте өткен WTA-1000 турнирінің жеңімпазы атанды
Елена Рыбакина өз мансабында алғаш рет Арина Соболенконы жеңіп, АҚШ-тың Индиан-Уэллс қаласында өткен WTA-1000 турнирінің жеңімпазы атанды. Қазақстандық теннисші әлемнің жетінші ракеткасы атанды.
Қазақстан Еуро–2024 іріктеу турнирінде сенсация жасап, Данияны ұтып кетті
2024 жылғы Еуропа чемпионатының іріктеу кезеңіндегі матчта Қазақстан құрамасы өз алаңында Дания құрамасымен ойнады. Қазақстан камбек жасап, 3:2 есебімен жеңіске жетті.
Шымбұлақ Гиннестің рекордтар кітабына енді
Шымбұлақ тау шаңғысы курорты «Әлемдегі ең биік түнгі тау шаңғысының бөктері» номинациясы бойынша ресми түрде Гиннес рекордын орнатты. Сертификаттарды табыстау рәсімі теңіз деңгейінен 3200 метр биіктікте орналасқан Талғар асуы станциясында өтті.
Қазақстанның сегіз университеті әлемнің үздік университеттерінің рейтингісіне енді
Сегіз қазақстандық университет 2023 жылғы QS World University Rankings by Subject 2023 әлемнің үздік университеттерінің пәндік рейтингісіне кірді. Қазақстан халықаралық білім кеңістігіндегі ықпалын әрі қарай арттыруда.