Мохаммед Мехеннауи, 45 жаста, туған жері — Бейрут, инженер-құрылысшы
Астанаға Abu Dhabi Plaza бойынша жұмыс істеу үшін 2011 жылы көшіп келдім. Қалаға келіп, сөссіз тәнті болдым. Сәулет, өмір ритмі — Астанада маған және отбасым үшін барлығы ыңғайлы. Алайда маған 2016 жылы Дубайға көшіп кетуге тура келді. Мен үшін бұл қайғылы жағдай болды, себебі кеткім келмеді.
Қазақстанда болған кезде Алматыға және Бурабайға барып үлгердім. Маған табиғаты ұнады.
Астанада негізінен жұмыспен айналыстым. Бірақ бос уақытымда мейрамханаларға, сауда үйлеріне, операға барып үлгердім. Қазақ тағамдары араб тағамдарынан ерекшеленеді — барлық жерде мәзірде бесбармақ бар. Мейрамханалар арасында аса ұнағаны London Beirut, өйткені ол жерде үйреншікті тағамдарды жеуге болады.
Шопинг үшін «Хан шатырға» баратынбыз. Сәнді сәулет пен қызықты өндірістердің арқасында менің ең сүйікті жерім — Astana Opera болды. Ол жерде бес рет болдым, бірақ бәрінен гөрі Жеңіс күніне арналған мерейтой ұнады. Өте эмоционалды әрі драмалы өтті.
Ең алғаш келген кезде бейімделу қиынға соқты. Жеңуге оңай келмеген үлкен тілдік кедергі болды. Ағылшын тілін аса білмеймін, француз тілін жақсырақ білетінмін, бірақ бес жыл ішінде ағылшын тілін меңгеріп, тіпті орысша түсіне бастадым.
Ауа райы мен үшін үлкен қиындық туғызды. Суық пен қатал қыс денсаулығыма әсер етті. Сол себептен көшіп келуге тура келді.
Қазір жоба бойынша инженер болып жұмыс істеймін. Дубайда тұрып жатырмыз, бірақ бұл қала маған мүлдем ұнамайды. Отбасымызбен бірге Астанаға қайтып келуді армандаймын. Ол мен көрген астаналардың ішіндегі ең үздігі. Парижде, Нью-Йоркте болдым, бірақ бұл қалалар мен үшін маңызды бола алмады.
Отбасымызбен бірге Астанаға қайтып келуді армандаймын
Отбасымызбен бірге Астанаға қайтып келуді армандаймын. Ол мен көрген астаналардың ішіндегі ең үздігі.
Қазақстанға қайтып келуді жоспарлаймын. Келесі жылы жұмыс бойынша Ресейге, кейін Ливанға бару керек. Алайда 2020 жылы міндетті түрде Астанаға барамыз.
Ашраф Мохаммед, 45 жаста, туған жері — Каир, университетте оқытушы
Астанаға Еуразия Ұлттық университетінің шақыруымен келдім. Оған дейін Каирдегі университетте жұмыс істедім. Араб мәдениетіне, тіліне байланысты сабақтарды оқытамын.
Астанаға сәуір кезінде келдім және ауа райы жақсы болды. Маған тек жылы ауа-райының арқасында ғана емес, адамдар үшін де ыңғайлы болды. Біздің сөйлесу мәнеріміз, көңіл-күйіміз ұқсайды. Египет пен Қазақстан арасындағы қарым-қатынас жағынан айырмашылықты сезген жоқпын.
Қыста қатты суық болған жоқ. Әрине, үйренуге тура келді, бірақ кейін оңайырақ болды.
Astana Opera-ға барғанды ұнатамын, ол мәдени өмірге және тыныш әрі әдемі жерге бөленуге көмектеседі. Балетке де, операға да барамын. Қойылымдардың ауқымы мен көңіл көтеруін ұнатамын. Тағы маған ескі қаланың орталығы мен жағалау ұнайды — олар өте әдемі.
Елдер арасындағы айырмашылықты дәстүр, салт және тағам жағынан сезіндім. Мәселен, Египетте жылқының етін жемейді. Бұған үйрену керек болды. Қазақ тойында да болдым. Көңілді әрі шулы болды, маған ұнады. Қазақтың үйлену тойларын өткізу — тұтас өнер секілді.
Қазақтың үйлену тойларын өткізу — тұтас өнер секілді
Алдағы уақытта Астанада сабақ беру жұмысын жалғастыруға дайынмын.
Ахмед Элнашар, 30 жаста, туған жері — Каир, Бахрейн әуежай жобасының инженер-жобалаушысы
Астанаға Abu Dhabi Plaza бойынша жұмыс істеу үшін 2015 жылдың қаңтар айында көшіп келдім. 2016 жылдың ортасына дейін жобаны жобалаушы ретінде жұмыс істедім.
Қазақстанда жұмыс күндерім айтарлықтай толық болды. Күнім ерте басталып, жұмысқа сағат сегізде келетінмін. Қиын жұмыс күнінен кейін достарыммен серуенге шығатынмын. Достарымызбен барлық Есіл ауданын зерттеп шықтық, себебі мен сол жақ жағалауда, жұмысқа жақын жерде тұрдым.
Маған қала жазда балғын желді сезінуге болатын кезде кешкі уақытта ұнайды. Қыста саябақта адам аз кезде серуендегенді ұнатамын. Қалада әртүрлі орындарға барып көрдім: «Артем» базары, «Хазрет Сұлтан» мешіті, Ұлттық мұражай, орталық саябақ. Қаланың оң жақ бөлігінде мейрамханалар ұнады.
Маған қала жазда балғын желді сезінуге болатын кезде кешкі уақытта ұнайды
АЛЖИР-ге баруды қалаған едім, бірақ үлгермей қалдым. Саяахаттап үлгердім, Алматыда екі рет болдым. Қарағандыға, Бурабайға, Көкшетауға да барып қайттым.
Бахрейнге қайтадан көштім, себебі маған жақсы лауазым ұсынды, бірақ кеткім келмеді, себебі Астанаға үйреніп, Қазақстанды жақсы көріп үлгердім.
