Елордада «Астананың жалпыұлттық киелі орындары» атты кітаптың таныстырылымы өтті. Кітапты «Рухани жаңғыру» бардарламасы аясында Білім басқармасы мен Оқушылар сарайы бірлесіп шығарған. Бұл туралы қала әкімдігінің ресми сайтында хабарланды.
Елордадағы нысандардың тарихын зерттей келе Оқушылар сарайының «Жас өлкетанушылар» үйірмесінің тәрбиеленушілері осы кітапты қарапайым әрі түсінікті тілмен жазып, мәдени нысандардың суреттерін қосқан. Оған бас қаламыздағы тарихи мәнді, рухани құнды жиырма нысан енген. Олардың қатарында Қ.Қуанышбаев атындағы Мемлекеттік академиялық қазақ музыкалық драма театры, Сәкен Сейфуллин атындағы музей, «Бәйтерек» монументі, «Мәңгілік ел» қақпасы және тағы басқа нысандар бар.
Дереккөз: kaz.inform.kz