Ірі кофе желісінің негізін қалаушысымен әңгімелесіп, осындай бизнесті дамытудың ерекшеліктері туралы толығырақ білдік.
Нұрлан Есқали, 23 жаста, Ыстанбұл қаласы, бизнесмен, @nurlan.yeskali
Бәрі қалай басталды
Мен компанияның негізін қалаушысымын. Қазақстанда туып-өстім. 18 жасымда алғашқы бизнесімді ашып, 20 жасымда үйленіп, Ыстамбұлға көштім.
4 айдың ішінде мен YES COFFEE ашу үшін 100 000 000 теңге көлемінде инвестиция тарттым. Бүгінгі таңда Астана мен Алматыда өзіне-өзі қызмет көрсететін 32 кофехана жұмыс істейді.
Компания туралы
Бір күні «мен өз кофе дүкенімді неге ашпаймын?» деп ойладым. Ол кезде бұл бизнес пайдасыз сияқты көрінді. Бірақ менің үлкен ықыласым болғандықтан, кофе-автоматтардан бастауды ұйғардым.
Біздің миссиямыз «YES COFFEE — makes you think! YES COFFEE — ойландырады!». Мен кофе ішкен кезде маған ең креативті идеялар келеді. Кофе адам миының оянуына көмектеседі. Біздің миссиямыз — адамдарға оянуға, шедеврлер жасауға, батыл армандар мен керемет идеяларды іске асыруға көмектесу.
Біздің келесі мақсатымыз — Қырғызстан мен Өзбекстан сияқты көрші елдерде дамып, ауқымды болу. Қазіргі таңда біз Ыстамбұлда YES COFFEE ашылу үдерісінде.
Клиенттер туралы
YES COFFEE адамдарды біріктіреді. Көп жағдайда бізге жан әңгімесін жақсы көретіндер келеді. Достарымен кофе ішу жалғыздықтан әлдеқайда көңілді.
Жоба қалаға қалай әсер етеді
Қазіргі уақытта кофе индустриясы бүкіл әлемде, әсіресе ТМД елдерінде дамып келеді, себебі нарық бос. Біз франшизаларды Қазақстанның 30 қаласында сатамыз, кофе тек ірі қалаларда ғана емес, барлық елді мекендерде де қолжетімді болуға ұмтыламыз.
Әлем бойынша 10 000 кофе ашу жоспарлануда. Бұл үлкен инвестицияны қажет етеді. Біз инвесторлармен нақты және кәсіби жұмыс істейміз. Бренд менің атыммен және жеке брендіммен тығыз байланысты. Тарихты сатамыз. Тіпті сөздің өзі Yeskali сөзінен, яғни менің аты-жөнімнен шыққан.
Ұсыныстар
Байқалмай қалу оңай. Сондықтан тезірек өсу үшін жеке брендті дамытуға кеңес беремін.
Егер сіз өзіңіздің өніміңізге 100% сенімді болсаңыз, бірақ сізде масштабтауға ақша жоқ болса, инвесторлардың ақшасын ойланбастан пайдаланыңыз! Үлес беріңіз, қорқатын уақыт жоқ.
Қандай табысты бизнесмен болсаң да, оқуды тоқтатпа. Өйткені сенің әрқашан өсетін жерің бар.
