Халықаралық футбол қауымдастықтары одағы (ФИФА) ресми сайтында жаңарған рейтингін жариялады. Қазақстан құрамасы екі саты жоғарылап, 135-орынға көтерілген. 2017 жылды Қазақстан 137-орынмен қорытындылаған болатын. Яғни желтоқсан айында жарияланған рейтингті осы межеде еді. Одан бергі аралықта құрама ешқандай ойын өткізген жоқ. Жаңарған ФИФА рейтингінің алғашқы ондығында өзгерістер жоқ. Германия құрамасы көш басында болса, екінші орында Бразилия келеді. Үштікті Португалия құрамасы түйіндеп тұр.
Дерек көзі: 24.kz