Salta, @salta.addict
Salta брендінің негізін салушы Салтанат Баймұхамедова. Қазақстандық дизайнердің алғашқы топтамасының көрсетілімі 2008 жылы Парижде өткен болатын, кейін бірнеше рет Kazakhstan Fashion Week-ке де қатысқан. Брендке тән стиль – минимализм, қарапайым пішін және еркіндік. Сол себепті бренд қалада тұратын заманауи жастар мен әйелдердің сұранысына ие.
Assel, @assel_official
Әсел Нүсіпқожанова — жас дизайнер, Institute Marangoni оқу орнының түлегі, Vika Gazinskaya және Dsquared2 сән үйлерінде тағылымдамадан өткен. Әселді Орта Азияның мәдениеті шабыттандырады – оның топтамаларында ұлттық ою-өрнектер мен құрақ тігісін байқауға болады. Сонымен қатар бұл өзгешелік заманауи стильмен үйлестіріліп ұсынылады.
MANDARIN NARBAYEVA, @mandarin_narbayeva
Мадина Нарбаева — суретші. 2014 жылы анасымен бірге Open Way жас дизайнерлер байқауына қатысқаннан кейін, MANDARIN NARBAYEVA брендінің негізін салды.
Киім тігуде көбінесе knitwear – трикотажды қолданады. Брендтің басты мақсаты — тоқыма киімді жаңа қырынан көрсету. Негізгі басымдықтар минимализмге, ыңғайлылыққа және табиғи маталарға беріледі.
Киім тігуде көбінесе knitwear – трикотажды қолданады. Брендтің басты мақсаты — тоқыма киімді жаңа қырынан көрсету. Негізгі басымдықтар минимализмге, ыңғайлылыққа және табиғи маталарға беріледі.
Bibotta, @ bibotta_
Bibotta брендінің негізін салушы – Бота Бақытжан. Дизайнер Т. Жүргенов атындағы Қазақ ұлттық өнер академиясының түлегі, Қазақстан сән апталығы ұйымдастырған Open Way финалисі.
Бота көбінесе Ninety One және жалпы Juz Entertainment әртістерімен жұмыс жасайды. Сонымен қатар әдеттен тыс, жарқын стильді ұнататын заманауи жастар үшін киім тігеді.
Бота көбінесе Ninety One және жалпы Juz Entertainment әртістерімен жұмыс жасайды. Сонымен қатар әдеттен тыс, жарқын стильді ұнататын заманауи жастар үшін киім тігеді.
AiSho, @aisho_atelier_
AiSho жас қазақстандық брендтің негізін салушылар – апалы-сіңлі Айман Орынбасарова мен Шолпан Нұрмұхамбетова. Қазақстандық қыздар мен әйелдер осы брендтің пәлте, тренч пен костюмдерін сапасы, ыңғайлылығы және бірегейлілігі үшін ұнатады. Дизайнерлер 1980-жылдардағы сәннен шабыт алады. Айман мен Шолпан тек табиғи маталарды қолданады және классикалық стиль мен casual-ды үйлестіре біледі.
BotAya, @botaya
BotAya қазақстандық киім брендінің негізін салған апалы-сіңлі Айя және Бота Қырғызбаевалар. Олар өздерінің топтамаларында табиғи материалдар мен кесте, пэчворк, макраме, керамика және экопринт – қол жұмысының элементтерін қолданады.
Shoqan, @shoqansuits
Ер адамдарға арналған қазақстандық костюмдер брендінің негізін салған Ұлықбек Шәріпов пен Нұрсұлтан Магзумов. Олардың дүкендерінде костюм, жейде, галстук, аяқ киім – толық киім жиынтығын алуға болады. Сапасы шетелдік брендтерден кем түспейді, маталар Қытайдан әкелінеді, ал аяқ киім Гонконгта тігіледі.
