Салынып жатқан тұрғын үйден пәтер сатып алғыңыз келсе және оған ақша салмақшы болсаңыз, сізге заңдық мәліметтерді білу қажет.
Ең алдымен, қарым-қатынасты қандай заң реттейтінін анықтау керек:
«Тұрғын үй құрылысына үлестік қатысу туралы» Заң бір тараптың тұрғын үй салуға және тұрғын немесе тұрғын үйге жатпайтын орындарды беру, ал екіншісінің төлем жасап, бөлмелерді қабылдау міндеттілігін реттейді.
Осы заң:
— мемлекеттік сатып алуларды
— нысанды пайдалануға бергенге дейін тұрғын және (немесе) тұрғын емес үй-жайларды іске қосу құқығынсыз мемлекеттік заңды тұлғалардың құрылысын
— заңды тұлғалардың пайдалануға берместен бұрын сату құқығынсыз үй-жайларды алуын
— биіктігі 3 қабаттан аспайтын ғимарат құрылысына қатысты қатынастарды қамтымайды.
Енді сізге заңның сізге құрылысшы ұсынатын қатынастарға таратылатындығын анықтау қажет. Егер қатынастар заңмен реттелмесе, құрылыстың аяқталуына біреудің кепілдік бере қоймайтыны анық, сондықтан абай болғаныңыз жөн. Егер реттелетін болса, құрылыс механизмі мен қаражат тарту тек заңмен қарастырылатын ерекше ретпен жүргізіледі.
Үлестік құрылысқа арналған қандай механизмдер мен шектеулер заңмен қарастырылған
Үлестік құрылыс келесі тәсілдермен жүргізіледі:
— «Тұрғын үй құрылысын кепілдендіру қоры» АҚ – мен кепілдік беру туралы келісім шарт құру
— екінші деңгейлі банктердің жобасына қатысу
— тұрғын үйдің қаңқасы тұрғызылғаннан кейін үлескерлер қаражатын тарту.
Тұрғын үй құрылысына басқалай жеке және заңды тұлғалардың қаражатын тартуға тыйым салынады. Мұндай келісімдердің күші жойылады.
Алайда:
— әкімдіктен үлескерлерден ақша алуға рұқсат берілсе
— «Тұрғын үй құрылысын кепілдендіру қоры» АҚ – ның кепілдік беру туралы келісім шарты болған жағдайда ғана салушы жеке және заңды тұлғалардың ақшасын тарта алады.
Салушының құжаттарын мұқият зерттеңіз, үлестік құрылыстың әдісін нақтылап, әкімдіктен рұқсат берілгеніне немесе «Тұрғын үй құрылысын кепілдендіру қоры» АҚ – мен келісім шартың болуына көз жеткізіңіз.
Келісім қалай рәсімделеді
Міндетті түрде тұрғын үй құрылысына үлестік қатысу келісім шартын жасасу қажет. Ол әкімдікте есепке алынып, келісім шарттың есептік жазбасы туралы үзінді көшірме берілген сәттен бастап өз күшіне енеді.
Дереккөз: astana.gov.kz