БІЗ ата-бабаларымыз қолданған, алайда бүгінгі таңда өзінің өзектілігін жоймай, әлі күнге дейін қолданылып келе жатқан 15 тұрмыс заттарын таптық.
— бесік — нәрестені бөлеуге арналған ағаш төсек
— тақия — түркі халықтарының ерлер мен әйелдер бас киімі. Бүгінде тек ер адамдар киеді
— ағаш ыдыстар — ұлттық оюмен өрнектеліп, ағаштан ойылып жасалған ыдыс, қазіргі кезде етке арналған ағаш астаулар үлкен танымалдыққа ие
— қамшы — бiрнеше таспа қайыстармен көмкерiлiп, өрiлген, сабы тобылғыдан, ырғайдан, аңдардың тұяғы, мүйiздерiнен жасалған атты айдап жүргiзетiн құрал. Қазір көбінесе интерьер элементі, кәдесый немесе сыйлық ретінде қолданылады
— шапан — ерлердің ұлттық киімі. Қазір, әдетте, тойда, құдалық пен мерейтойларда сыйға тартылады. Сондай-ақ, көптеген отандық дизайнерлер қалада тұратын заманауи тұрғындардың арасында танымалдыққа ие болып келе жатқан шапанның өзіндік үлгілерін ойлап табуда
— жер үстел — қысқа аяқтары бар қазақтың дөңгелек үстелі
— үкі — үкінің қанаты, домбыра мен автокөліктің салонына тағылады. Қазақтарда үкі қасиетті құс саналады
— сандық — бүгінгі күні, әдетте, әжелер мата, киім мен қымбат бұйымдарды сақтайтын ағаштан жасалған тұрмыстық бұйым
— сәукеле — қыз баланың ұзату тойында киетін бас киімі
— білезік — металл немесе сүйектен жасалған сақина түріндегі білекке тағылатын сәндік бұйым
— жүзік — үлкен әшекейлі сақина. Бұрын әйелдер де, ерлер де жүзік таққан болса, қазір тек әйелдер тағады
— мәсі — ерлер мен әйелдердің ұлтаны жалаң және артқы бөлігі қатты теріден жасалған етік. Оларды біздің ата-әжелеріміз жиі киіп жүреді
— тұмар — былғары бөлігінің ішіне Құраннан алынған үзінділер жазылған бұйым
— алтыбақан — Наурыз мейрамын тойлау кезінде қала алаңдарынан көруге болатын алты бақаннан тұратын әткеншектер
— құрақ көрпе — қыз жасауына кіретін немесе дөңгелек қазақ үстеліне қонақтарды жайғастыру үшін еденге төселетін құрақтан тігілген көрпе.
