Internews медиа мектебі – медиа саласында заманауи, жаңа білім алғысы келетін, кәсіби контент жасауға ынтасы бар блогерлерге, азаматтық ұстанымы бар белсенді адамдарға, үкіметтік емес ұйым өкілдеріне, азаматтық журналистерге арналған вебинарлар мен практикалық сабақтардың тізбегі.
Медиамектеп бағдарламасының аясында келесі тақырыптар қамтылады:
тақырып пен ақпарат көзін іздеу;
ақпаратты жинау және дайындау;
журналистік этика, өшпенділік тілі;
интернетте басылу үшін қалай жазу керек, мессенжерлерді қалай пайдалануға болады;
фактілерді тексеру, верификация;
визуал және интерактив элементтерді пайдалану, фото және бейне контент дайындау.
Вебинарлардың басым көпшілігі қазақ тілінде өтеді. Жүргізетін тренерлер: Жұлдыз Әбділда, Дина Жансағым, Анна Сухачева, Марат Садықов.
Курсты толығымен аяқтап, практикалық тапсырмаларды тапсырған қатысушылар Internews сертификаттарын алады.
Мектеп түлектері туралы мәлімет пен олардың портфолиолары Internews-тың халықаралық интерактивті азаматтық журналистер каталогына кіреді.
Қатысу үшін өтінішті 2018 жылдың 10 сәуіріне дейін dzhansagimova@internews.org электронды адресіне жіберу керек.
