Біз актер Рауан Романимен кездесіп, оның бос уақытын қайда өткізетінін, неден шабыт алатынын, кімдердің шығармашылығын қарайтынын сұрап-білдік. Актер қандай фильм көретінімен және қандай подкаст тыңдайтынымен бөлісті.
Рауан Романи, 33 жаста, қаласы — Алматы, актер, @romani.rauan
Өзім жайлы
Мен Атырауда дүниеге келдім, бірақ Алматыда өстім.
Мен кино актерімін әрі саяхатшымын. Атақ-даңқ пен өнер қаласы — Лос-Анджелесте 12 жыл тұрдым. Дәл осы жаққа шығармашыл жастар өз армандарын орындап, актер, әнші, дизайнер болу үшін келеді.
Достарымның көпшілігі киномен және кино өндірісімен байланысты салаларда жұмыс істейді. Сондықтан үнемі солармен бірге уақыт өткізетінмін. Бірде «неге өзімді актерлік өнерде сынамасқа» деген ой сап ете қалды? Менің таңдауым Қазақстанда өте танымал The Lee Strasberg Theatre and Film Institute институтына түсті.
Менің кумирлерім — Клинт Иствуд пен Брюс Ли
Менің кумирлерім — Клинт Иствуд пен Брюс Ли. Олар көптеген фильмге түсіп жүріп, жекпе-жек өнерімен айналысуға да уақыт тапқан!
Осыдан екі жыл бұрын Алматыға оралдым.
Не тыңдайтыны, көретіні және оқитыны жайлы
Мен әртүрлі подкасттарды тыңдаймын. Маған әсіресе Joe Rogan Podcast ұнайды. Оның қонақтары энергия, шабыт береді.
Түрлі жанрдағы фильмдерді жиі көруге тырысамын.
Неден шабыт аламын
Талантты болу жеткіліксіз. Соған ғана сеніп жүре беруге болмайды. Өзіңе мотивация беріп, үнемі іздену керек және көп еңбектену қажет. Сонда ғана ол шеберлікке, сүйіспеншілікке айналады.
Бос уақытымды қайда өткіземін
Бос уақытым болғанын жақсы көремін. Осындай сәттерде достарыммен кездесемін, отбасыммен уақыт өткіземін немесе тауға шығамын. Мен жанымды тыныштандырамын, жаңа эмоциялар мен әсер аламын.
Фитнес-клубқа барамын, жекпе-жек өнерінің түрлері бойынша сабақтарға қатысамын. Бұл рухым мен ерік-жігерімді нығайтуға көмектеседі.
