Келер жылдың бірінші тоқсанынан бастап қазақстандықтар Біріккен Араб Әмірліктеріне визасыз баруы мүмкін. Бұл туралы бүгін Парламент Мәжілісінде өткен Үкімет сағатында Сыртқы істер министрі Қайрат Әбдірахманов мәлімдеді. Сала басшысының айтуынша, шипажай маусымында бұл мемлекетке еш кедергісіз сапар шегу маңызды. Себебі Азия аймағымен экономикалық һәм саяси тұрғыдағы берік байланыс еліміз үшін жан-жақты дамуға жол ашады. Сондықтан Қазақстан тиісті құжатты бекітіп, Әмірліктер тарапымен келелі келіссөз жүргізіп жатыр. Келер жылы оның толық нәтижесі белгілі болмақ. Мұндай келісім Таиланд мемлекетімен де жасалған.
Дерек көзі: 24.kz